السلام عليكم اعزائي زوار ومتابعي مدونة فكره مجنونه اهلا وسهلا بكم , ساعات كثير بنلاقي مقالات وشرح لحاجات احنا عايزينها بس للاسف بتبقى مكتوبه باللغه الانجليزيه او الفرنسيه وبنضطر ان احنا ننسخ النص اللي مكتوب ونروح لمواقع خاصه بالترجمه علشان نترجمها , ده اذا كان الموقع بيسمح اننا ننسخ الكلام اول من الاساس وساعات يبقى فيه دروس ومذكرات خاصه باللغه الانجليزيه واحنا مش عارفين معناها , اليوم باذن الله انا جايب لكم اداه سحريه هتريحنا من مشاكل الترجمه الاداه اللي معانا النهارده موجوده على المتجر الخاص بجوجل كروم
الخطوه الأولى :
هنفتح متصفح جوجل كروم وهنكتب في جوجل الكلمه دي chrome web store
الخطوه التانية :
هيفتح لنا السوق الخاص بجوجل كروم هنكتب فيه اسم الاضافه دي mate translate
الخطوه الثالثة :
هنبدا ان احنا نضيف الاضافه على المتصفح بتاعنا
هنضغط على استمرار وهنفعل الخاصيه دي الخاصيه دي بتسمحلي ان في رمز يبقى في يمين الصفحه ومجرد ما ادوس عليه اقدر اترجم الصفحه كلها للغه اللي انا عايزها طبعا من هنا اختار اللغه اللي انا عايز الترجمه تبقى بيها وبعدين هدوس استمرار كده الاضافه اتفعلت معايا
هنفتح موقع للغه الانجليزيه وهحدد كلمه او جمله هتظهر لي العلامه دي ومجرد ما اضغط عليها هيترجم الكلام مباشرة و في خاصيه ان انا ممكن اسمع الترجمه صوت سواء باللغه الاصليه الخاصه بالنص او اللغه العربيه اللي انا هاترجم النصف ليها
ترجمه الصفحه كلها هنا اضغط على العلامه دي وهنختار اللغه اللي احنا عايزين نترجم لها من هنا وبعدين هندوس على ترجمه هيتم ترجمه الصفحه كلها
والان اترككم مع الشرح بالفديو :
الاداه المستخدمة : اضغط هـنـا
والى حلقات اخرى باذن الله ......
0 تعليقات